《讀者請教》
我嘅老爺奶奶雖然麻煩，但唔算太極品，呢排有一個小小嘅煩腦關於長老對我地搬屋嘅要求，想問吓大家嘅意見😅
話說我地租嘅樓就黎完約，需要搬屋，咁我地自己都開始出去睇樓， 預算會係 4-5萬嘅租金 (一家3口 + 姐姐4人住) (會租港島區) ， 而我老爺奶奶本身有好多屋收租，當老爺奶奶知道我地揾緊屋果時，就叫我地搬番去佢地屋企樓上，佢地間屋本身無問題，都係港島區又係我地嘅 dream house size (有成2000呎有多)，但問題黎啦。。。
問題1. 因為住响佢地屋企樓上 😓， 唔比keys佢地又唔太好， 比keys佢地就知道佢地一定會自出自入。
問題2: 佢張樓上間屋租出去係可以租到 8-9萬嘅租金， 但我同我先生嘅budget只係租 d 4-5萬嘅屋，我地又無理由比小佢咁多錢嘅(雖然我老爺好似唔介意咁， 但好似都唔係咁好咁， 好似好大個人情咁)
問題3: 間屋响山上面， 一 d都唔近任何民生需要及小朋友番學嘅地方。
住响佢地樓上嘅唯一好處就係間屋大好多，我老爺奶奶又好強烈建議我地搬番去 (只會隨量收番 4萬租)，但對於我呢個"新抱"黎講就預計到好多麻煩/問題會接種而來。
請問你地會唔會選擇搬去佢地樓上？ 又或者狠狠地拒絕 2 位老人家而自己租開就算呢？ 😓謝謝。
Search